| 當然我亦都唔例外特首最近又講錯o野，o係高登論壇上狂俾人插
所以前幾日去唱k ，我又點左一首好耐冇唱o既歌 以前去唱k
每次唱呢首《舞吧舞吧舞吧》
都會唱到眼濕濕 呢次去唱k
已經冇乜感覺
可能就好似《心淡》咁講
89年傷心09年會習慣
自從入左呢間公司
我越o黎越傾向建制派
漸漸變得唔鍾意反政府o既任何事
連睇《海賊王》都有時希望海軍、cp9、推進城贏
相信主要原因包括︰
1) 大部份資歷深o既同事，都係傾向建制派(正確o的講係鄙視民主派)，o係耳濡目染下我都被影響左。而我相信佢地有咁o既傾向o既原因都會同以下幾點有關。
2) 的確我係留意多左新聞，而亦睇到原來除左建制派多賤人之外，民主派亦都唔少。
3) 我地個部門經常被某些民主派無理批評。
4) 在很多民主派舉行的遊行活動，都有參加者將對政府o既不滿發洩o係我地同事度，我都受過唔少示烕者抽水，俾人用手肘撞下、用腳踢下、用遮撩下o既事成日發生；而且又有好多人唔理交通情況，係鐘意成十幾架巴士停o係度等佢半個鐘，係要霸人地條行車線，好似覺得影響其他巿民會好開心咁。 當然上述有幾點都可能係因為我以前無知，睇得爭取民主o既人太神聖所致。 但係自從o係camp 目睹一連幾宗向上抗爭o既鬧劇，加上在灣仔出事後，大家o係度鬥九up，我開始又有一個新o既體會。
其實真正為左理想，為左其他人o既幸福而努力奮鬥o既人真係少之有少，各位高官議員學者奸商師奶賤民滿口大仁大義，都只不過係為一己之私。
所以我好應該放棄更多神聖o既信念，設法令自己變得更強，同埋得水抽時且抽水。 加上最近睇埋《我的奮鬥》呢本書
以上o既信念更加強
所以最近開始
o係我眼中已經變成
所有人無論對我好對我差
其實都只不過係撚樣一個 |
| |
| 舞吧舞吧舞吧歌手：黃耀明
作曲：黃耀明/黃偉光
填詞：魏紹恩
編曲：黃偉光
青空 星點破 光影錯 風閃過 空虛墮
種種 瑣碎事 可愛事 小故事 印半空
寧靜晚風中 螞蟻開仗 蚯蚓較量
朦矓夜雨唱 赤卻奔放 滿天花舞流動
我心點點牽動 掛念你影蹤 ＊曾為你心讚頌 心震動 心意奉 相與相共
無奈我戀世俗 戀我事 戀我夢 戀戀風中
難伴你奔遠路 千萬珍重 深心隱痛
長夜裡起舞吧 起舞吧 起舞吧 達旦＊ 青空 千載過 一轉眼 一轉眼 聲色墮
種種 閃爍事 可愛事 好故事 去似風
殘舊破屋中 螞蟻開仗 煙炮發亮
玲瓏浩氣漲 雪散天變 遠方風破雲動
我心戀戀千動 有話托早風 REPEAT＊ 曾為你心讚頌 心震動 心意奉 相與相共
無奈我戀世俗 戀我事 戀我夢 戀戀風中
前面有曲折路 千萬珍重 衷心禱告
全力去起舞吧 起舞吧 起舞吧 達旦
|
| |
